श्री स्वस्थानी व्रतकथाको विधिवतरुपमा समापन

काठमाण्डौ,फागुन १५ गते एक महिना लिइने श्री स्वस्थानी व्रतकथाको विधिवतरुपमा समापन गरि, यो वर्षको अन्तिम दिन शालिनदीमा व्रतालुहरुले पूजा आराधना गरेर व्रत समापन गरेका छन् ।

महिनाभर स्नान गरी श्रीस्वस्थानीको पूजा गरी एक छाकमात्रै खाना खाए मनको आकांक्ष पूरा हुने जनविश्वास छ ।

व्रत अवधिभर शालीनदी तथा सतीदेवीको अङ्ग पतन भएका स्थान, पशुपति, गौरीघाट, गणेश मन्दिरमा पूजा गरेमा मोक्ष मिल्ने धार्मिक विश्वास रहेका कारण ती स्थानमा भक्तजनको घुइँचो लागेको थियो ।

स्वस्थानी व्रतकथा समापनका लागि शालीनदीसँगै भक्तपुरको हनुमानघाटलगायत स्थानमा बिहानैदेखि भक्तजनको भीड लागेको छ ।

सत्ययुगमा पार्वतीले महादेव स्वामी पाउन निराहार रहेर स्वस्थानीको व्रत गर्दा आफ्नो मनोकांक्षा पूर्ण भएको विश्वासका साथ परम्परागत रूपमा स्वस्थानी व्रतकथा लिने चलन छ ।