काठमाडौं । क्रियाशील सदस्यता वितरणमा धाँधली भएको भन्दै धनुषा‚ बारा र सर्लाहीका कांग्रेस नेता÷कार्यकर्ताहरु आमरण अनशनमा बसेका छन् । त्यसरी आमरण अनसन बसेका नेता÷कार्यकर्तालाई अनसनस्थलमै भेट्न कांग्रेस नेता डा. शेखर कोइरालाले पुगेका छन् ।
नेपाली कांग्रेसको केन्द्रीय कार्यालय सानेपामा धर्ना बसेका उनीहरुको मागप्रति ऐक्यबद्धता जनाउन नेता कोइराला पुगेका हुन् । अनसन स्थल सानेपा पुगेका डा. कोइरालाले ‘पार्टीको पार्टीको विधानभन्दा बाहिर गएर पार्टी कब्जा गर्ने मनसायबाट मनोमानी ढंगले बाँढिएको सदस्यता कुनै पनि हालतमा स्वीकार्य नहुने बताएका छन् ।
डा. कोइरालाले विधानविपरीत बाँडिएका सम्पूर्ण क्रियाशील सदस्यता खारेज हुनुपर्ने भन्दै क्रियाशील सदस्यतामा भएको धाँधलीविरुद्धको लडाइँमा आफू सधैं धर्नारत कार्यकर्ताको पक्षमा रहेको बताएका छन् ।
यो लडाइँमा आफ्नो अन्तिमसम्म साथ हुने भन्दै डा कोइरालाले प्रतिबद्धता जनाएका हुन् । कोइरालाले पार्टीको कुनैपनि तहमा बसेर काम गर्नेहरू माथि हुने अन्याय सहेर नबस्ने ठोकुवा गरे ।
