काठमाडौं । कोरोना भाइरस महामारीबाट प्रभावित नेपालका क्रियाशील पत्रकारलाई लक्षित गरेर आर्थिक सहयोग गरेको छ । उक्त सहयोग नेपाल पत्रकार महासंघ यूके शाखाले विभिन्न निकायबाट संकलन गरेर रु ५ लाख आर्थिक सहयोग गरेको हो ।
उक्त सहयोग रकम नेपालभर कार्यरत पत्रकारमध्ये २५ जना पत्रकारई जनही रु. २० हजारका दरले वितरण गर्ने योजना रहेको शाखाले जनाएको छ । ‘लेखन वृत्ति’ नामक शीर्षकमा नेपाल पत्रकार महासंघ केन्द्रीय समितिमार्फत वितरण गर्ने निर्णय भएको बताइएको छ ।
सो निर्णयबमोजिम संकलित रकम रु ५ लाख १६ हजार पत्रकार महासंघ केन्द्रीय समितिको बैंक खातामा जम्मा गरिएको छ । गत जुनको दोस्रो साता बसेको नवनिर्वाचित नेपाल पत्रकार महासंघ यूके शाखाको पहिलो बैठकले कोरोना प्रभावित पत्रकारललाई सहयोग गर्ने निर्णय गरेको थियो ।
सहयोग संकलनका लागि शाखाले नवनिर्वाचित सदस्यहरू दिनेशकुमार परियार, प्रमिला लावुङ र गोमा रानालाई जिम्मा दिएको थियो । हाल कोरोनाबाट संक्रमित पत्रकार र तिनका परिवारलाई मात्रै लक्षित गरिएको भएपनि पछि सबै क्रियाशील पत्रकारलाई कुनै न कुनै रूपमा जोड्ने महासंघ यूके शाखाले जनाइएको छ ।
