काठमाडौँ, फागुन २१ । इस्लामिक गणतन्त्र पाकिस्तानका प्रधानमन्त्री शहीद खकान अब्बासी नेपालको दुई दिवसीय औपचारिक भ्रमणका लागि आज अपराह्न नेपाल आउँदैछन् ।
आफ्ना पाकिस्तानी समकक्षीसँग आजै प्रधानमन्त्री केपी शर्मा ओलीले पारस्परिक हित र द्विपक्षीय चासोका विषयमा छलफल गर्नेछन् । प्रधानमन्त्री ओलीले अब्बासीको सम्मानमा आज रात्रिभोजको आयोजना गर्ने भएका छन् ।
भ्रमणका क्रममा उनले राष्ट्रपति विद्यादेवी भण्डारीसँग भोलि मंगलबार शिष्टाचार भेट गर्ने कार्यक्रम रहेको परराष्ट्र मन्त्रालयले बताएको छ । प्रधानमन्त्री अब्बासी भ्रमण पूरा गरी मंगलबार स्वदेश प्रस्थान गर्नेछन् ।
0
Shares
