काठमाडौँ, चैत १९ । नेपाली काँग्रेसका नेता तथा पूर्व मन्त्री खुमबहादुर खड्काको प्रतिनिधिसभा र राष्ट्रियसभाको आजको अलगअलग बैठकले शोक प्रस्ताव सर्वसम्मतले पारित गरेको छ ।
आज बानेश्वरस्थित संघीय संसद् भवनमा बसेको छुट्टाछुट्टै बैठकले पूर्वमन्त्री खड्काको निधनप्रति एक मिनेट मौनधारणसमेत गरिएको थियो ।
खड्का वि.सं २०४८, २०५१ र २०५६ सालमा दाङबाट प्रतिनिधिसभामा नेपाली काँग्रेस पार्टीका तर्फबाट निर्वाचित सदस्य खड्काको उपचारका क्रममा यही चैत १६ गत ६७ वर्षको उमेरमा निधन भएको थियो ।
लामो समय प्रवास र जेल जीवनसमेत व्यतित गर्दै प्रजातन्त्रको पुनःस्थापनाको आन्दोलमा नेतृत्वदायी भूमिका निभाएका नेता एवं समाजसेवी स्व खड्काले विभिन्न समयमा भौतिक योजना, स्थानीय विकास, गृह, वन तथा भू–संरक्षण, आपूर्ति एवं जलस्रोत मन्त्रालयको कार्यभार सम्हालेका थिए ।
प्रतिनिधिसभाको अर्को बैठक भोलि मंगलबार दिनको १ बजे र राष्ट्रियसभाको अपराह्न ४ बजे बस्दैछ ।
