काठमाडौँ, चैत २१ । सर्वोच्च अदालतका न्यायाधीश केदारप्रसाद चालिसेले आजदेखि संवैधानिक इजलासमा काम थालेका छन् ।
पूर्व प्रधानन्यायाधीश गोपाल पराजुलीको अवकाशपछि रिक्त रहेको पदमा कामु प्रधानन्यायाधीश दीपकराज जोशीको सिफारिसमा न्यायाधीश चालिसेलाई न्याय परिषद्को बैठकले संवैधानिक इजलासका लागि तोकेको थियो ।
संवैधानिक इजलास आजदेखि शुरु भएको छ । संवैधानिक इजलासमा कामु प्रधानन्यायाधीश दीपकराज जोशी, न्यायाधीशहरु ओमप्रकाश मिश्र, चोलेन्द्रशमशेर राणा, दीपककुमार कार्की र केदारप्रसाद चालिसे रहेका छन् ।
सो उक्त इजलासमा प्रधानन्यायाधीश वा कामु प्रधानन्यायाधीशसहित पाँचजना न्यायाधीश रहने व्यवस्था रहेको छ ।
संवैधानिक मुद्दाको विषयमा देखिएका समस्यामा संवैधानिक इजलाशले बहस गर्ने गर्छ । उक्त इजलामा करीब ४०० भन्दा बढी मुद्दा छन् ।
0
Shares
