काठमाडौं, असार ९ । सचिवको सरुवाले असार १४ गते हुने स्थानीय तहको निर्वाचनलाई कुनै पनि असर नपार्ने प्रमुख निर्वाचन आयुक्त डाक्टर अयोधीप्रसाद यादवले प्रष्ट्याएका छन् ।
हिजोमात्रै सरकारले निर्वाचन आयोगका सचिव गोपीनाथ मैनालीलाई सरुवा गर्ने निर्णय गरेको थियो । सरुवामा परेपछि सचिव मैनालीले अनावश्यक सामाग्री खरिद गर्नका लागि आफुले अस्वीकार गरेपछि सरुवामा परेको बताएका छन् ।
शुक्रबार रिपोर्टर्स क्लवमा आयोजित साक्षात्कारमा बोल्दै मुख्य आयुक्त यादवले आफूहरु निर्वाचनको अन्तिम तयारीमा रहेको भन्दै सचिव सरुवाले स्थानीय तहको निर्वाचनमा कुनै असर नपार्ने बताए । तर उनले सचिव मैनालीले आयोग पदाधिकारीमाथि लगाएको कुनैपनि आरोपबारे प्रतिक्रिया दिएनन् ।
0
Shares
