बस दुर्घटनामा परि एक जनाको मृत्यु

पाल्पा, असार १३ । पाल्पाको तानसेन नगरपालिका–१२ को बौघापोखराथोकमा लु १ ख ६११६ नम्बरको बस दुर्घटना हुँदा एक जनाको मृत्यु भएको छ । बुटवलबाट बागलुङको बुर्तिवाङका लागि छुटेको बस गएराति करिब १० बजे दुर्घटना हुँदा गोरखाका १७ वर्षका पदमकुमार श्रेष्ठको घटनास्थलमै मृत्यु भएको हो ।

उक्त दुर्घटनामा परि गुल्मी वालिटक्सारकी २६ वर्षीय हेमकुमारी काफ्ले घाइते भएकी छिन भने उनको अहिले मिसन अस्पताल पाल्पामा उपचार भइरहेको जिल्ला प्रहरी कार्यालय पाल्पाले जानकारी गराएको छ ।