तेस्रो चरणको चुनाव इतिहासकै शान्तिपूर्ण र निष्पक्ष ढंगले सम्पन्न भएको गृहमन्त्रीको भनाई

काठमाडौं, असोज ६ । हालै सम्पन्न स्थानीय तह तेस्रो चरणको निर्वाचन मुलुककै इतिहासमा शान्तिपूर्ण ढंगले सम्पन्न भएको गृहमन्त्री जनार्दन शर्माले दावी गरेका छन् ।

शुक्रबार काठमाडौंमा ‘प्रहरी हाम्रो टोलमा’ अभियान शुभारम्भ गर्दै उनले सबै सुरक्षा निकायले जनताको साथमा रहेर काम गरेकाले निर्वाचन अत्याधिक शान्तिपूर्ण ढंगले सम्पन्न गर्न सम्भव भएको बताए ।

निर्वाचनमा हिंसा हुन्छ कि भनेर आशंका गर्नेहरुलाई पनि निर्वाचनमा कायम गरिएको सुरक्षा व्यवस्थाले बलियो जवाफ दिएको कुरा उनले स्पष्ट पारे । सरकार जनतासँगै रहेर सुरक्षा व्यवस्थालाई सुदृढ बनाउन प्रतिवद्ध रहेको गृहमन्त्री शर्माले बताए ।